Bourjois有機粉底/遮瑕膏用後感

October 13th, 2010

上兩個月Bourjois喺Langham Place有special promotion, 收到佢哋個email話當日有新foundation推出, 係一隻有機嘅排毒粉底, 資料話係有效消除眼皮浮腫同有抗氧化功用, 可以抵禦空氣中嘅污染物阻塞毛孔, 仲係市場上第一枝有機排毒粉底添! 當日BA姐姐試喺我手背時感覺質地比較爽, 幾啱夏天用, 仲有蜜瓜嘅香味添, 感覺好清新!love struck 而同時間又出咗新嘅有機抗浮腫遮瑕膏, 據資料講係有效對付黑眼圈, 浮腫, 仲有排水同抗氧化功能. 而佢嘅走珠式設計, 用起嚟感覺幾方便.happy

我就即場買咗呢兩樣嘢, 同時再買埋我最鐘意嘅3色eyeshadow, 今次買呢盒嘅顏色比較特別(金色同墨綠色), 搽出來感覺比較cool.cool

本身呢個promotion有幾個唔同套裝, 而我揀左咗嗰套本身係無遮瑕膏同eyeshadow, 不過BA姐姐都好好人可以俾我換同埋補返個差額, 個套裝仲有筆刨同埋一支shower gel, 呢支shower gel仲有shaving cream兩種功效於一身, 仲好似係非賣品添.

用後感: 用咗一排後, 發覺支foundation無想像中好用, 仲有啲失望sad (因為我好鍾意Bourjois嘅化妝品). 初時我用手搽, 發現啲粉唔算好容易推開, 之後就改用粉卜用印嘅方法上粉, 咁樣效果就會好啲, 但就會厚粉少少, 同埋每次用時最好只按少少出來用, 因為呢隻粉好容易乾, 最好用到無哂時先再按. 而另外支遮瑕膏都係一樣, 好易乾, 比較容易睇到眼下嘅乾紋surprise. 而我上次再去Bourjois個專櫃時都有同BA姐姐反映呢樣嘢, 希望佢哋下次再出新foundation時可以令我再重拾返個信心啦!

Leave a Reply

*