新娘試妝 – Vincy

April 12th, 2010

前2日真係好忙. 先係星期六喺一個婚禮幫姊妹化妝. 而星期日一早去咗幫另外幾位客人化妝SET 頭, 因為佢哋要去參加朋友婚宴. 其實嗰幾位客人係我之前另一位客人嘅親戚, 因為佢哋喺之前個客嘅婚宴睇到我做嘅妝同髮型, 覺得好靚, 所以透過之前位客人搵我幫佢哋化妝SET頭(多謝佢哋對我的讚賞happy )

其實星期日我本來 係約咗一位客人試新娘妝, 幸好呢位準新娘子真係好好人, 可以遷就時間, 咁我先可以幫到嗰幾位客人化妝SET頭. 而做完呢幾個客人個Job時已經係下晝, 又肚餓…(我其實由朝早到下晝都未食過嘢, 不過其實做化妝師好多時都係食無定時sad), 同埋都真係太趕啦, 我又唔想遲到要個客等, 所以只好立即搭的士過海返港島, 好彩都比約定嘅試妝時間早咗返到workshopwinking

當我見到嗰位準新娘 子Vincy, 真係唔知點解有一種好親切嘅感覺. 好似見返一個朋友咁, 仲有嘅係……陪佢來嘅, 唔係佢男朋友, 朋友, 而係佢媽咪. 因為我喺咁耐幫D新娘子試妝, 多數都係男朋友, 伴娘或者朋友陪佢哋來. 當時令我覺得佢媽咪真係好好呀!big hug 而Vincy媽咪同我講她非常疼愛佢呢個女, 喺大家嘅談話內容中, 原來Vincy媽咪學過化妝o架! 以前都幫好多人化過妝, 所以我知道佢對化妝有一定的要求. 仲有佢哋話我知原來搵我試妝之前做咗好多資料搜集, 睇過好多化妝師website, 最後覺得我既style比較啱佢哋.kiss

其實Vincy本 人係一個好nice同開朗嘅女仔, 幫佢化妝SET頭時, 我同佢同埋佢媽咪真係無所不談call me. 而當日我一共幫Vincy試咗3個造型, 褂妝, 婚紗妝同埋晚妝, 當第1個造型完成時, 媽咪對女兒講, 原來我個女係咁靚呀! 呢句話我聽到後都好開心同埋有D感動添! 當完成哂3個造型後, 佢哋們都話好滿意, 而我都好開心可以作為你Big Day嘅MUA呀 ^^

2 Responses to “新娘試妝 – Vincy”

  1. Wendy says:

    Hi Phoenix,
    Can you send the price list to me? Thanks!
    Wendy

RSS feed for comments on this post.

Leave a Reply

*