新娘化妝 – Zoey

October 4th, 2010

早前有一個全日嘅新娘化妝工作. 因為新娘子Zoey出門時間比較早, 所以我一清早4:30AM就已經出門口, 先去接咗助手先, 再出發去酒店, 到達酒店時先5:30AM左右. 其實之前一晚先做完另一個化妝工作, 所以只係o訓咗3個鐘左右就要起身, 初初都幾累幾眼睏, 不過唔知點解每次我一拎起化妝髮型用品就會立即精神哂. (注定我要做MUA!?)

當日我同Zoey一共整咗六個造型, 佢都好鐘意呀! 仲同我講話好多朋友都讚佢個髮型同個妝靚winking. 其實我都好多謝Zoey對我嘅信任, 因為佢一直都係俾我決定整咩嘢髮型, 到最後得來好多人讚賞, 我當然都好開心啦!

仲有就係好多謝Zoey喺婚宴嘅時候擔心我會肚餓呀, 仲叫啲姊妹攞嘢俾我食tongue. 前幾日仲收到Zoey嘅Email多謝我, 其實唔使咁客氣, 因為我都好開心可以喺婚禮當日幫Zoey化妝同Set頭, 希望我造出來嘅造型會為Zoey帶來美好嘅回憶big grin.

祝Zoey新婚快樂!

新娘飾物自選區 – 其他頭飾/頸鍊/耳環

September 19th, 2010

終於完成哂篇嘅新娘飾物自選區applause, 今次會介紹一些較難歸類嘅頭飾, 非套裝嘅頸鍊和耳環.

往後將會不定期更新剛入手嘅飾物, 各位準新娘子要得閒來睇下咯winking

日本雜誌 SPUR X D&G 2010-11 FALL/WINTER COLLECTION

August 30th, 2010

成日寫Blog都係講化妝護膚嘅嘢, 今次不如寫其他嘢啦^^

自小我就已經好鐘意睇日本雜誌love struck, 以前學生時代就經常買嚟睇(亦都係咁, 引導咗我唔少喺美感同潮流觸覺方面嘅睇法, 呢啲嘢真係唔係一朝一夕就培養到… ).

近年好多日誌都會隨書附送化妝袋, 飾物或Tote Bag(真係妹仔大過主人婆, 依家好多人都係為咗贈品而買, 包括我tongue).  早前知道8月份會出一本SPUR X D&G 2010-11 FALL/WINTER COLLECTION, 仲隨書附送一個北歐雪景小鹿Pattern嘅SPUR X D&G袋, 淨係見到張相就已經好想要啦batting eyelashes! 所以我就鎖定目標, 今次一定要買到呢本書!!!

而早兩日當我收到呢本日誌時見到個袋真身同相係一樣. 好靚, 質料亦都算唔錯, 同埋又夠大個. 而本書呢…其實都係普通嘅Product Catalog, 不過我都唔會放過嘅, 睇下人家化妝風格都好吖…

P.S. 喺呢度要多謝我嘅好朋友婷婷kiss, 早幾日佢喺信和見到本書就即刻幫我買咗一本, 真係好多謝佢. 如果唔係, 我就要四圍搵書啦happy

精美嘅包裝盒

Read the rest of this entry »

新娘飾物自選區 – 頭飾/禮帽篇

August 27th, 2010

今次介紹俾各位嘅係比較Colorful嘅頭飾/禮帽系列, 如果新娘子唔想每個造型都用鮮花做襯托, 咁呢啲飾物就幫到你啦, 希望你哋喜歡吖!

各位可以點擊右手面嘅”Bridal Accessories”或下圖進入相簿o架happy

新娘試妝 – Alice

August 18th, 2010

原來準新娘子Alice係一位白衣天使angel, 而且佢俾我嘅感覺係好斯文同好有氣質(其實我覺得佢有少少似日本婚紗雜誌啲Modellove struck). 當我問佢想要咩嘢Bridal Image時, 佢係好清楚表達到佢嘅要求, 令我喺試妝過程時可以好快咁完成, 而我就好滿意嗰日幫佢Design嘅造型, 特別係個髮型添! 真係好多謝Alice對我手藝嘅信任, 我都好開心可以係佢Big Day嘅MUA呀applause

新娘飾物自選區 – 皇冠/頭箍篇

August 10th, 2010

又係時候介紹下用於新娘化妝嘅飾物, 今次介紹俾各位嘅係皇冠/頭箍系列.

各位可以點擊右手面嘅”Bridal Accessories”或下圖進入相簿o架happy

Katherine & Larry Pre-Wedding Shooting @Park Island

August 6th, 2010

大約兩個星期前有個Pre-Wedding Job, 主角係Book咗我十月份嘅其中一位新娘子Katherine. 佢之前同我講話想再影多一輯婚紗相, 搵我幫佢化妝. 個Job本來安排咗係六月份影嘅, 但嗰時天氣好唔穩定, 好多個星期日都係落雨. 所以要約到7月先影得, 其實拍攝當日前嘅星期六仲落緊大雨o架, 天文台仲預測星期日會繼續落雨, 我仲諗住要再次改期…幸運地, 拍攝當天真係天公造美, 嗰日真係好好天呀!happy

Read the rest of this entry »

新娘飾物自選區 – 套鍊篇

July 28th, 2010

之前一直都想整理一下啲新娘飾物, 不過又無咩時間(都有啲因為懶啦tongue). 咁呢段時間正值淡季少啲新娘Job, 終於可以同部份飾物影相同埋編返啲號碼啦! (不過數量唔算好多, 因為外借飾物只係因應部份新娘子需要winking )

首先整理好嘅係套鍊系列, 其餘系列會喺8月份內陸續更新於相簿內. 各位Confirm咗嘅準新娘子記住得閒上來睇有無適合自己嘅飾物啦!

各位可以點擊右手面嘅”Bridal Accessories”或下圖進入相簿o架happy

夏日裝備 Benefit Bathina Body So Fine Body Balm

July 26th, 2010

早前SOGO感謝日好多化妝品牌子都做優惠, 我就再入多盒Benefit Bathina Body Balm, 大家知唔知有咩嘢用呢batting eyelashes? 當夏天嘅時候, 女生們都愛穿背心, 短褲, 用咗呢盒Body Balm搽喺手同腳, 可以睇起來更加有光澤同立體感, 而且有護膚作用, 加上本身有一陣淡香味, 最適合夏天用.

而我亦有用呢隻Body Balm喺我啲新娘子同埋拍廣告或照片嘅Model上, 因為佢哋通常都著Low-Cut衫或者短裙, 用咗喺手同腳度會睇起來好滑同好有光澤, 就好似著咗隱形絲襪一樣添winking (其實都有唔少明星同Model都有用呢隻Body Balm).

Read the rest of this entry »

我的最愛之一 Bourjois

July 19th, 2010

Bourjois一直係我其中一隻最喜歡嘅化妝品品牌love struck. 我認識呢隻牌子係我以前喺Portfolio學化妝時, Gary推介佢嗰隻骨膠原粉底, 支粉底價錢都算幾平, 我記當時只係$198一支, 咁我佢見平平地就試下啦!day dreaming 當時一試上臉, 俾我嘅感覺係好薄好貼, 同埋一啲都唔乾, 啱哂喜歡個妝自然嘅我. 不過…好嘢通常都係會唔再出(隻隻牌子都係咁i dont know), 之後無幾耐就停產啦…而我就繼續用Bourjois其他嘅粉底.

另外唔知大家有無見過佢有一盒3色嘅Smokey Eye Palette? 有無覺得佢同另一個品牌好似(我唔係指個包裝)? 就係Chanel啦^^ 其實Bourjois係Chanel嘅附屬公司, 而據聞Bourjois同Chanel嘅化妝品都係同一間廠生產, 所以都有信心保證. 佢哋啲胭脂, Eyeshadow, Lip Gloss真係好好用, 仲係有香味o架dancing淨係嗰盒3色Eyeshadow我 都有3盒呀. 不過仲有好多Color好靚, 有時真係好想一次買哂全部呀(不過其實我已經有好多Eyeshadow啦, 仲要喺有好多係未用過添tongue) 而最近我又去左入貨啦, 今次我就去買咗支Waterproof Eyeliner(因為趕住用支Eyeliner所以無影相啦… ), 同埋兩盒Eyeshadow.

你哋睇下佢啲Color真係好出o架! 而且好Long Lasting, 其實呢啲單色Eyeshadow仲可以加少少水搽上去令啲色更加突出o架!

包裝都幾精緻~

Read the rest of this entry »